சிம்ம ராசிக்கு 6ம் வீட்டில் அமர்கிறார் குரு பகவான். 10 ஆம், 12 ஆம், 2 ஆம் வீடுகளில் அவரது பார்வை விழுகிறது. 10ம் வீடு என்பது வேலை, தொழில், செயல்கள், பூஜை, கௌரவம், சமுதாய நிலை, சாதனைகள் ஆகியவற்றையும், 12 ஆம் வீடு மோட்சம், நஷ்டம், செலவுகள், ரகசியங்கள், வெளிநாடுகளில் குடியேறுதல், முதலீடு, தான தர்மம் ஆகியவற்றையும், 2 ஆம் வீடு என்பது செல்வம், குடும்பம், பேச்சு, குரல், எண்ணங்கள், ஆரம்பக் கல்வி, உடமைகள், சொத்து, ஆடைகள், கோபம், வாத விவாதங்களையும் குறிக்கிறது.
இந்த குருபெயர்ச்சி காலக் கட்டத்தில் சிம்ம ராசிக்காரர்கள் ஆரோக்கியத்தில் கவனமாக இருக்க வேண்டும். நோய் தொற்றுகள் ஏற்படாத வண்ணம் உங்களை தற்காத்துக் கொள்வது அவசியம். மற்றவர்களது போட்டி, பொறாமைக்கு ஆளாக நேரிடலாம். எச்சரிக்கையாக இருப்பது அவசியம்.
உங்களது நிதி நிலை இந்த கால கட்டத்தில் சாதகமாக இருக்காது. செலவுகள் உங்கள் கட்டுப்பாட்டுக்குள் இருந்தாலும் சேமிப்பு என்பது கேள்விக்குறி தான். இந்த சமயத்தில் கடன் வாங்கவோ அல்லது அதற்கு முயற்சி செய்யாமல் இருப்பதே நல்லது. நிதி பற்றாக்குறை காரணமாக உங்கள் பழைய கடன்களைக் கூட செலுத்த முடியாத நிலை நேரிடும். வேலையைப் பொறுத்தவரை உங்களுக்கு சாதகமான சூழல்கள் நிலவும். அலுவலகத்தில் உங்களுக்கு நல்ல செய்தி காத்திருக்கிறது. பதவி உயர்வு, ஊக்கத் தொகை, விரும்பிய இடமாறுதல்கள் நடைபெறலாம். கடின உழைப்பின் வாயிலாக வேலையில் முன்னேற்றம் காணலாம். உங்களது தலைமை பண்புக்கு சரியான அங்கீகாரம் கிடைக்கும் நேரமிது. அதோடு புகழும், கௌரவமும் அதிகரிக்கும்.
வேலை, தொழில்
பணியில் முன்னேற்றம் காண நீங்கள் முழு முயற்சிகளை மேற்கொள்ள வேண்டும். நீங்கள் பணிபுரிபவராக இருந்தாலும், தொழில்முனைவோராக இருந்தாலும் பொறுமையை கையாள வேண்டும். சிக்கலான தருணங்களை திறமையாக சமாளிப்பீர்கள். பொதுவாக தொழிலில் சராசரி பலன்கள் கிடைக்கும். வேலை வாய்ப்பு, நிதி, மருத்துவம், ஏற்றுமதி, வெளிநாட்டு வியாபாரம் போன்ற துறைகளுக்கு சிறந்த காலமிது. அதே சமயம் மொழி, தகவல் தொடர்பு, கமிஷன், ஒப்பந்தம், தொழிலாளர் தொடர்பானவைகளில் சற்று பின்னடைவு ஏற்படலாம்.மேலும் பலன்கள் மற்றும் பரிகாரம் பற்றி தெரிந்து கொள்ள https://www.astroved.com/tamil/
நிதி
சொத்து வாங்குதல் மற்றும் விற்பனை, பரம்பரைச் சொத்து ஆதாயம் பெறுகின்ற வாய்ப்புகள் குறைவு தான். சேமிப்பு என்பது இயலாத காரியமாக இருக்கும். உணர்ச்சிவசப்பட்டு செய்கின்ற செலவுகளில் கவனம் தேவை. சுபகாரிய செலவுகள் என்றாலும் கவனத்தோடு செய்தால் நிதி நிலையை ஸ்திரத்தன்மையோடு வைத்துக் கொள்ளலாம். கடன்கள் விஷயத்தில் மிகுந்த எச்சரிக்கை உணர்வு அவசியம்.
குடும்பம்
குடும்பத்தில் குதூகலம் நிலவும். குடும்ப விவகாரங்களை சிறந்த முறையில் சமாளிப்பீர்கள். சாதுர்யமாகவும், பொறுமையாகவும் செயல்படுவதன் மூலம் குடும்பத்தை அமைதி வழியில் நடத்திச் செல்லலாம். வேலைப்பளுவினால் குடும்பத்தினரோடு அதிக நேரம் செலவிட இயலாமல் போகலாம். புரிந்து கொண்டு நடந்து கொண்டால் நல்லது.
கல்வி
ஆரம்பக் கல்வி பயிலும் மாணவர்களுக்கு சிறப்பான காலமிது. மேற்படிப்பு படிக்கும் மாணவர்கள் சிறந்த முயற்சிகளை மேற்கொண்டால் கல்வியில் வளர்ச்சி காணலாம். கவனச்சிதறல்கள் ஏற்படும் சூழல் நிலவுவதால் மனதை ஒருமுகப்படுத்துவது நல்லது. தீய சகவாசங்கள், தீய பழக்கங்களிலிருந்து விடுபட கவனமுடன் இருத்தல் அவசியம். வெளிநாடுகளில் கல்வி பயில விரும்புவோருக்கு இது சற்று கடினமான காலம். இருந்தாலும் தீவிர முயற்சி நல்ல பலன்களைத் தரலாம்.
காதலும், திருமணமும்
காதலர்கள், திருமணமான தம்பதிகள், திருமணத்திற்கு துணை தேடிக் கொண்டிருப்பவர்களுக்கு ஏற்ற காலம் இது. நல்ல பலன்கள் காத்திருக்கிறது. காதலர்கள் பரஸ்பர நல்லுறவை வளர்த்துக் கொள்ள வேண்டும். பழைய சண்டைகள், பிரச்னைகளை மனதில் கொள்ளாமல் தம்பதியர் இனிமையான வாழ்வுக்கு வழி தேடும் காலமிது. வரன் தேடுபவர்களுக்கு சற்று சிரமமான காலம் என்றாலும் கூடுதல் முயற்சி நல்ல பலன்களைத் தரலாம்.
ஆரோக்கியம்
உங்களது ஆரோக்கியத்தில் மிகுந்த எச்சரிக்கையோடு இருப்பது அவசியம். சிலர் மருத்துவமனைகளுக்கு செல்ல நேர்ந்தாலும் பயம் கொள்ளத் தேவையில்லை. தொற்று நோய் உங்களை பாதிக்கும் வாய்ப்புள்ளதால் கவனமாக இருத்தல் நன்று. முன்னெச்சரிக்கை நடவடிக்கைகள் நல்ல பலன்களைத் தரும். குறிப்பாக வயிற்றின் கீழ்ப்பகுதி, முகம், தொண்டை ஆகியவற்றில் அதிக கவனம் தேவை. குடும்பத்தாரின் ஆரோக்கியம் சுமாராக இருக்கும்.
எளிய பரிகாரங்கள்
கடவுள் நம்பிக்கை அவசியம்.
சனிக்கிழமைகளில் விஷ்ணு சகஸ்ரநாம ஸ்தோத்திரத்தை பாராயணம் செய்யவும்.
கீழ்க்கண்ட குரு பகவான் மந்திரங்களை வியாழக்கிழமைகளில் 108 முறை ஜெபம் செய்யவும்.
‘ஓம் ஸ்த்ரீம் ப்ரஹம் பிருஹஸ்பதயே நமஹ’, ‘ஓம் சுராசார்ய வித்மஹே, சுரஸ்ரேஷ்டாய தீமஹி’, தன்னோ குரு ப்ரசோதயாத்.’
முதியோர்களை மதித்து நடக்கவும்.
மேலும் பலன்கள் மற்றும் பரிகாரம் பற்றி தெரிந்து கொள்ள : https://www.astroved.com/tamil/specials/guru-peyarchi-palangal/
Blogs 